志雲居大開 鄧健泓靚仔助手輪住拜訪

2月 4日 8:00pm入 0:15am走
全身黑衣打扮兼戴黑帽的鄧健泓，自 8時與陳總同行步入陳宅，凌晨時份獨自離開。當時鄧健泓還手持一小木盒，未知是否陳總所贈？

娛樂頂點

志雲居大開　鄧健泓靚仔助手輪住拜訪

2010年02月12日

愛將崔建邦一拳玩完，但陳志雲依然戮力出口術幫拖，除安排崔建邦到海地洗底外，日前更當面揶揄頂替崔做司儀的王喜表現未夠班。
能夠成為陳總身邊大紅人，得佢經常提攜指點，真係唔使憂。鄧健泓同陳總助手叢培崑，最近在事業上各領風騷，羨煞旁人。
本刊發現曾稱呼陳總做「 Honey」的鄧健泓，上周四（ 4日）晚就到訪陳總位於亞皆老街的寓所，約四小時後才離開。而另一位前貼身助手叢培崑，周日（ 7日）夜訪志雲居，至凌晨亦不見離開。

互動片段

陳總靚仔助手好服侍 

上周四（ 4日）晚上 8時，鄧健泓做埋柴可夫司機，駕駛其 mini cooper接載陳志雲抵達陳總位於亞皆老街的寓所雅麗居，將座駕泊在附近的僻靜小街的錶位。

由於鄧健泓將座駕泊至較僻靜的小街，故離開後要步行數分鐘才能取回自己 mini cooper座駕。

早前甚得陳總歡心的崔建邦，亦曾有幸登門造訪志雲居。《壹週刊》圖片

返家前玩狗

有目擊者透露，二人下車後，便步行至陳志雲的寓所。「佢哋行返去嗰陣，咁啱有個街坊喺樓下放狗，陳志雲同鄧健泓仲踎低同隻狗玩咗 5分鐘先上樓，雖然條街好靜好黑，但陳志雲着對金色波鞋好搶眼。」
記者隨即趕達現場，直至晚上 12時 15分，一身黑衣打扮的鄧健泓落樓，邊講電話邊行去攞車。
自崔建邦涉嫌打鄺敏慧而走上龜縮之路後，圈中不少藝人也對陳總「頭號」愛將之位虎視眈眈，其中鄧健泓更希望伺機翻身。「陳生不嬲都錫 Patrick（鄧之洋名），嗰時都俾過機會佢同哈林做《味分高下》。依家崔建邦分分鐘俾 TVB踢走， Patrick最有機會上位。」知情者說。
即使 TVB近期與四大唱片公司關係惡劣，但陳總懶理外間批評，都要留住屬於「四大」歌手之一的鄧健泓，讓他頂替崔擔任《勁歌金曲》主持，成為版權糾紛之下的唯一生還者。

2月 7日 7:00pm入
陳總靚仔助手叢培崑，坐着陳總白色保母車到雅麗居正門，之後更有司機替他擔傘，看來身份升格不少。

當叢培崑入陳宅後，該白色車亦直駛入雅麗居停車場，至凌晨二時，仍未見他離開。

05年，陳志雲為雜誌做家居專訪，該雅麗居高層複式單位，是 01年以 1,200萬購入，設有偌大露台，當時只有陳總和父親同住，不過陳父 05年過身。《壹週刊》圖片

陳總提到自己的家居裝修時說：「我間屋一定要簡約，空間要多，所以有好多隱形嘅櫃擺嘢，就好似我個人咁，一定要收埋晒！」難怪其睡房都咁「吉」。

助手升呢搞個唱

除了愛將鄧健泓攝位成功之外，其靚仔得力助手叢培崑（ Edthancy），近年亦相當架勢。
根據公司登記顯示，服侍了陳總近五年的叢培崑，去年短短一年間已經升呢成為六間公司董事，其中「思潮娛樂有限公司」，上周六（ 6日）更在澳門威尼斯人酒店，協辦了一場曹格演唱會。親密戰友搞演唱會，陳總勢必撐場。當晚開場後，叢培崑便親自陪同陳總由後台行去觀眾席。
翌日（ 7日）晚上 7時，叢培崑更乘坐陳總名下的七人車，抵達陳總寓所，一直至凌晨亦未見離開。

陳總過江撐靚仔助手
陳總開騷後才由叢培崑「護送」入場，成功避過所有坐在上層記者們的耳目，難怪陳總放心舉起攝錄機留影。

到完騷後曹格做訪問，叢培崑亦全程在場，相當盡責。

上月叢培崑生日，在尖東富豪酒店筵開數席，陳總（左一）亦早早到場。

陳總：俾啲空間我

本周二（ 9日），記者在電視城等候陳志雲，對於鄧健泓和叢培崑分別被拍得上志雲居，他顯得有點激動，說：「你問呢啲做咩啫，係咪想話我同佢（指叢）同居吖！」

問到陳志雲有關愛將鄧健泓與叢培崑相繼上志雲居時，他說：「佢（鄧健泓）係有嚟過搵我，唔記得邊日，大家敍吓舊，傾吓偈，傾吓佢發展有啲咩好做！（你助手 Edthancy開咗間製作公司？）佢唔係我助手嚟喇，冇幫我做嘢！（但佢其中一間公司嘅登記住址係你依家屋企地址喎。）邊度係呀？冇可能！（佢有上去你屋企！）咁佢嚟我屋企有乜嘢問題呢？俾番啲空間我囉！好冇呀？」
事後記者再致電叢培崑，對於他名下一間「訊偉有限公司」以陳總住宅作為登記地址，他解釋：「嗰時我開公司搵唔到 office，知道陳生間屋係風水屋，就問佢可唔可以用嚟做登記地址，咁佢好好人囉，咁依家呢間公司都冇運作嘞！其實兩年前我已經冇做佢助手！」

黐陳總有 so

鄧健泓雖然屬「環球」歌手，不過在陳總的「引領」下，依然成為劇集《刑警》的男配角和《正識第一》主持，上月更取代崔建邦，擔任《十大勁歌金曲頒獎禮》和《勁歌金曲》司儀。而前助手叢培崑除成為六間公司董事外，更用陳總座駕出入，認真巴閉。

月前曹格演唱會開記招，西裝筆挺的叢培崑以「思潮有限公司」主席身份現身。《蘋果日報》圖片

叢培崑身為六間公司董事（包括思潮娛樂、思潮廣告製作、思潮出版社、思潮教育學院、鴻基投資發展、訊偉有限公司等），而其中「訊偉有限公司」登記住址便是陳志雲所住的雅麗居單位。

早前叢培崑公司已替張敬軒演唱會提供 T恤等紀念物品。

今年四大唱片與無綫因版稅鬧風波，身為環球歌手的鄧健泓仍可破格擔任勁歌總選司儀。《蘋果日報》圖片