變身後
經過專家大執後，何紫慧真係令人眼前一亮，呢身裝扮就算未夠星味，都起碼多番一份少女味。
娛樂頂點
哨牙妹大變身 《巨聲》亞軍何紫慧簽無綫 5年
2010年02月12日《超級巨聲》喺本周日（ 7日）已播出總決賽，向來演出最穩定、被冠以「小歌后」嘅何紫慧，更奪得亞軍及表現傑出獎，成為本地參賽者中成績最好嘅一個。
何紫慧唱功了得，但外形就唔多掂，除咗俾評判話佢 14歲有 24歲嘅外形外，網友仲踩佢似「哨牙珍」。據知何紫慧得獎後即賣身俾無綫，簽下 5年經理人合約，無綫製作資源部總監樂易玲下令要她盡快箍牙。
入行前要執靚樣，本刊就搵咗黎明御用形象指導 Andydaniel幫何紫慧大變身，回復應有少女味，連她自己亦開心笑說：「真係唔同晒！」
互動片段
巨聲亞軍何紫慧家中獻唱去年 5月，本刊率先報道家住天水圍、年僅 14歲的何紫慧（ Cherry）參加《巨聲》面試時，被評判張繼聰勁彈外形，「你唔鍾意青春歲月咩？咁快要 skip咗佢嘅！」但當打扮老積嘅何紫慧一開聲就令張繼聰即時改觀，「如果你出唱片我會買，仲想作歌俾你。」結果何紫慧順利入圍。
變身前
今年只有 14歲的何紫慧，膚色黝黑，化妝前零星味。
本周日（ 7日）播出的《巨聲》總決賽，何紫慧（右）以 1分之差輸俾國內代表王雯，從 Miss Chan Chan（左）手上接過獎座。
唔介意網友笑哨牙
參賽期間，何紫慧的穩定表現及成熟唱功令外界刮目相看，並成為網友追捧對象，更有 fans自發性為她做網頁及組織歌迷會，但她同時亦成為網友攻擊對象，指她「好鬼難頂，成個哨牙珍咁」。對於外界批評，小小年紀的紫慧非常看得開，「最初我都會有少少唔開心，但我明白總會有人唔鍾意自己，咪當講笑囉！」
據知早前無綫製作資源部總監樂易玲親自接見何紫慧，並跟她簽約 5年，但力捧前就要求她先「箍牙」。而紫慧母親何太亦承認此事，「樂小姐覺得紫慧箍咗牙，上鏡會好睇啲，等佢出席埋新年嘅花車巡遊演出， 3月就會帶佢正式箍牙，就算將來唔係做藝人，女仔嘅外形都好重要。」
何太雖然安排紫慧簽無綫任經理人，但就未有打算為紫慧簽約唱片公司，「雖然紫慧自小嘅夢想都喺音樂方面，但佢年紀仲細，就算有唱片公司肯簽，都要兩、三年後先適合出碟，依家等佢專心讀書，再攞多啲演出經驗，到時再考慮呢個問題。」
本刊聯絡樂易玲，她承認簽了何紫慧：「除咗何紫慧，公司仲簽咗一批參賽者。至於佢哋嘅發展方向，我哋仲要開會研究吓。」
整頭
髮型師 Dominic表示，由於何紫慧樣子較為成熟，所以髮型唔適宜太複雜，否則就會顯得更老積。
化妝
化妝師 Coey認為單眼皮的何紫慧唔夠神，所以要黐雙眼皮膠紙加強眼線，然後再用假眼睫毛，令她雙眼更有神采。
轉形象
形象指導 Andydaniel覺得何紫慧應選擇較明亮的服飾，「佢膚色較深，鮮色嘅衫睇落後生啲。」
網友笑哨牙
何紫慧出身普通家庭，由於是家中獨女，母親何太為了栽培她，多年來只做兼職補習老師幫補家計。每次女兒出席《巨聲》活動，她都陪伴在側，這日接受訪問都唔例外。
王雯在《巨聲》總決賽以 1分之微壓倒何紫慧成為「金咪大獎」得主，由於她早已是深圳廣電集團旗下藝人，故《巨聲》監製麥鎮東話：「無綫應該唔會簽佢。」
14歲小歌后威水史
現在就讀天水圍天主教崇德英文書院中三的紫慧，是學校無伴奏合唱團成員。自小已很有音樂天份的她，除了唱歌了得外，亦是 8級聲樂及 8級鋼琴高手，多年來奪獎無數。
獎座擺滿家
何紫慧雖然 10歲才開始參加大型公開比賽，但短短 4年已奪得幾十個獎座，獎座布滿家中每個角落，這裏只是其中一部分。
06年只得 11歲的何紫慧，同時奪得元朗區青少年歌唱及朗誦比賽金獎。
港大吳尊許廷鏗被星娛樂睇中
今年 21歲，就讀港大牙科 3年級，被封為「將軍澳吳尊」的許廷鏗（ Alfred），在《巨聲》決賽中奪得「網上人氣獎」，當晚他在台上自言無諗過會攞獎。但其實外形煞食的許廷鏗，憑住靚聲早在打入《巨聲》 26強前，已成為鄭融、鍾嘉欣所屬唱片公司「星娛樂」的羅致對象。唱片公司揸 fit人何哲圖更曾主動接觸他，許廷鏗說：「當時 Herman（何哲圖）話想見吓我，睇吓我有咩諗法，我哋經朋友介紹食咗餐飯。」
本刊聯絡何哲圖，他承認確實對許廷鏗有興趣，「我覺得佢把聲又靚又好有親切感，但佢當時仲比賽緊，所以無再傾。依家比賽結束咗，我會再同無綫研究吓。其實除咗許廷鏗，仲有好多參賽者我哋都有興趣，因為佢哋本身已經儲咗一班歌迷，舞台經驗又夠，作為新人條件已經好好。」
女同學直豎拇指
許廷鏗唔單止迷倒女 fans，連路過的港大女同學都大讚他有型，豎起拇指支持他入行。
已有數百 fans的許廷鏗，早前已率先舉行歌迷聚會，在出席的數十歌迷中，女 fans佔 9成。許廷鏗在聚會上與歌迷大玩遊戲，勝出者可以得到他的親筆簽名相。
首次 fans聚會
派簽名相
採訪、撰文：娛樂組、李啟慰、鄭家駿、陳志輝、葉兆康
形象： Andydaniel（何紫慧）
髮型： Dominic Liu@HH hair（何紫慧）
化妝： Coey Wong@Beauty Tech（何紫慧）
服裝： Sistyr Moon（何紫慧）
0 评论:
發佈留言