林雪突襲陳爽C奶

嘩！（設計對白）
黐番先！（設計對白）

同你吟一吟

林雪突襲陳爽 C奶

2010年02月18日

無綫又有新戲開，今次仲聯同友好公司英皇合作，開拍古裝笑片《翡翠明珠》。靠晒男女主角林峯、阿 Sa，八珍都驚笑唔出，不過有搞笑能手林雪响度，又唔同講法。
林雪唔只搞笑叻，鹹濕抽水技巧同樣爐火純青。上個禮拜三（二月十日），《翡》片响邵氏影城開鏡，演員全體出動，當英皇行政總裁吳雨向在場記者講解新戲內容嗰陣，企响後排嘅林雪就掛住同黃又南傾偈，原本傾到興高采烈，林雪突然發現新大陸咁，失驚無神一手拍落企佢另一邊嘅陳爽左胸。
人哋話晒係○七年華裔小姐季軍，又有 33C標準好波，林雪真係識食，俾人拍胸嘅陳爽就一啲都唔爽，即刻左閃右避，同「兇手」林雪保持距離。