TVB腿神
上年《古靈精探 B》跳鋼管舞一幕令 Jess成為熱門搜尋， Jess話：「我為咗嗰場戲，我真係出去搵教練單對單學咗成 5千幾蚊。」好專業喎！
虎年上位
爆姐仔批踭賤招 沈卓盈：佢撞到我出鏡
2010年02月17日由《放學 ICU》到《最緊要正字》，沈卓盈 Jess姐姐嘅聖女形象，早已儲落一班粉絲。聖女變辣妹， Jess姐姐喺《古靈精探 B》鋼管舞演出，同早前喺公開活動身玩呼拉圈，盡騷 33C上圍同 42吋長腿，成為網友近期最愛。
不過宅男女神唔係女人蜜糖， Jess自爆拍劇時，曾俾某二線女星搶對白、仲被批踭批出鏡。入行八年嘅 Jess家陣就話：「我家唔會咁易俾人蝦！」
02年選「 TVB Cover Girl」入行嘅沈卓盈（ Jess），今年 28歲，一直做密實乖女。自上年轉走索女路線即成女神，早前玩呼拉圈， 33C上圍、 42吋長腿，連同場嘅警鐘胸 Jessica C.、翻版 Chiling（林莉）都被比下去，成為網友寵兒。
姐仔明恰
雖然成為宅男女神，不過入行 8年嘅 Jess，雖則未曾擔正，但亦受過其他姐仔欺負。本週三（ 10日） Jess晒住長腿接受本刊訪問時就透露：「我記得有次拍劇，同導演排戲嗰陣，嗰位女演員只係喺原位做戲，但到正式拍嗰陣，嗰位女演員就搶咗我嘅對白講，之後仲食埋我位，再順勢批踭埋嚟，搞到我完全俾佢遮住，仲撞到我出鏡！我當時都唔知點算好。」
就係呢個甫士令網友暈晒浪！不過 Jess就話：「我只係做熱身運動啫！估唔到反應咁熱烈！」
Jess（右一）除咗拍新劇《女人最痛》外，亦被點中拍攝林峯、阿 Sa（左二）擔正嘅電影《翡翠明珠》。
長興出手
雖然 Jess被人批踭食位，好彩當時有位同事出手相救。腿神話：「嗰場一拍完，有位前輩即刻出聲，導演亦肯重新拍過。不過嗰位女演員仲黑我面。」姐仔爭上位各出奇謀， Jess表示：「我知係有好多捷徑上位，行快啲。雖然我知，但我唔會做。我淨係會做好自己，家唔會咁易俾人蝦咁囉。」不過邊個做白武士， Jess死都唔講，但據知呢位仁兄原來就係黃長興。長興在電話中對本刊說：「係咪我，真係唔記得，不過我見到正確嘅事，我就做，我唔怕！」好 man呀，衰在腿神一早有富貴男友啦，唔係長興可能有機 o架！
叠水機師男友
07年 1月︰沈卓盈同任職飛機師男友嘅 Simon（左）感情要好，多次被人影到拍拖，不過 Jess只係笑住話：「佢係好朋友啫！」
男友 Simon唔只係機師，而且住緊嘅跑馬地利安閣，其父 99年以 1千 5百萬買入，家市值成 4千萬。
男友 Simon住緊利安閣單位其實係屬於老豆陳卓元，陳父亦喺中環開設練松柏律師行，現已退休。
雖然機師男友家境叠水，不過 Jess話：「都話係好朋友咯！同埋我哋係財政獨立。佢有冇錢，唔關我事 o架！」
Suki好姊妹
Jess同徐淑敏喺 06年做《最緊要正字》認識，之後仲成為好友， Suki出嫁當日， Jess梗係伴娘。
古靈精探 B第 16集
沈卓盈自爆於拍劇時俾人批踭、搶對白，最後有人挺身而出。不過死都唔肯講係邊套劇、邊位 artist，但本刊訪問過黃長興佢就冇否認自己做英雄，而且仲話：「我認為正確嘅嘢就做，我唔怕。」假設長興講嘅係真，咁好大機會係……
劇中飾演 Icy姐姐嘅沈卓盈忽然着到超性感出席郭晉安等人的派對。
之後沈卓盈坐在黃長興、陳美詩之間，其間 Jess被陳美詩迫得縮埋一嚿。
被人迫埋之後，下一場戲就係沈卓盈索爆鋼管舞。
疑似「兇手」
係咪我？真係唔記得！不過我認為正確嘅事就會做，我唔怕，有人搶我對白，我一定出聲。
新晉女神
除咗腿神沈卓盈成為宅男新寵，無綫今年亦有 3位咪神成功上位，腿神、咪神，宅男真係唔得了。
梁政珏 26歲 35D、 23、 34
《同事三分親》嘅純情 May May，之後變晶女郎喺《美麗密令》、《 72家租客》大騷身材。近期以《美麗高解像》做吸毒女最為人熟悉。
苟芸慧 26歲 34C、 23、 34
苟芸慧為 09年中華小姐冠軍，雖然廣東話都唔正，不過已經頻頻出席大騷。農曆年更有新作《情人眼裡高一 D》同王祖藍做情侶。
高海寧 23歲 34D、 23、 34
高海寧最近變騷后，除咗拍晶哥《美麗密令》、《 72家租客》，仲有徐遇安新劇《讀心神探》。
採訪、撰文：林通賢
攝影：林子賢
化妝： Meegan
形象： Byran@the flaming
服裝： Mango Zara
0 评论:
發佈留言