同迷你 Suki合照，大肚 Suki唔介意跪低遷就，不過佢唔理粗身大細話跪就跪，嚇親唔少在場記者。
同你吟一吟
大肚 Suki最後衝刺
2010年02月11日懷孕八個月嘅 Suki徐淑敏，上個禮拜四（二月四日）大住肚為化妝品牌做宣傳。產前最後衝刺， Suki話合約一早簽好，唔嚟唔得，所以大會都好識做，安排一位小妹妹扮「迷你 Suki」，送上嬰兒禮物籃，俾佢未來嘅 BB。
擇定吉日 3月 23日開刀， Suki話而家未定全身抑或半身麻醉，但無論點都好，一定唔會自然分娩，原因係怕痛。
原來活動當日， Suki老公 Kenny都有嚟，不過就响附近做 gym，未有現身。提到早排向記者吐口水， Suki話老公咁做，只係保護家人，仲死撐啱啱識 Kenny時成日見佢流口水，證明係病態並非故意。
有流無流都好啦！將來 BB出世，咪教佢吐口水就得嘞！
同記者傾偈， Suki繼續力撐老公吐口水講粗口只係想保護家人，仲話 Kenny EQ比佢高，唔係啩！
0 评论:
發佈留言