港姐亞軍無儀態

同你吟一吟

港姐亞軍無儀態

2010年02月11日香港小姐何止一年比一年醜，知名度與工作量更加大跌 watt，有名銜、無工開，包括今屆亞軍李姿敏。
當日以黑馬姿態當選，贏在乖巧無是非，但當選大半年，無綫只係安排佢出席 ball場或者慈善活動，其他時間，簡直游手好閒。
早排《壹》仔晏晝四點鐘，見到李姿敏同朋友坐喺 Starbucks下午茶。
無化妝，頭髮打大風，有理由相信在場根本無人知李姿敏係乜水。既然無人識，李姿敏一舉一動明顯特別放縱，食麵包個口擘得特別大，傾偈又會指手畫腳歪晒嘴，多多動作，話晒你係亞軍港姐，就算無人認識，都唔可以失禮 o架！

化妝前、化妝後，《壹》仔如非工作關係，認得出李姿敏先奇。


食麵包食到歪晒嘴，李姿敏同朋友傾偈面部表情特別多，同佢平日斯文談吐完全兩個人。