插圖： Wendy
揞名爆
「除衫」放風搵筍盤
2010年02月12日電視台新花旦「除衫」開始走紅，最近仲有套電影拍住寶島嘅「大隻磚」同最好打嘅「子彈」。咁仲唔止，連唱歌都有好成績，分別攞兩個「金公仔」獎㖭，認真犀利。
事業得意，最近仲有傳佢釣得金龜㖭。嗱，用個「釣」字真係好貼切 o架！話說早前就傳佢同導演「過大海」甩咗拖，雖然佢同傳媒話冇呢件事，不過，媽咪姐就喺一個二五度收到風，話甩拖消息係「除衫」自己放出嚟。
二五話「除衫」早排一得閒就約啲 friend出嚟飯敍，一係就約同性好友行街吹水，而佢每次都好刻意咁向班 friend發表單身宣言，仲話諗清諗楚，知道喺娛樂圈嘅生存之道，麵包緊要過愛情喎！之後就以講笑口脗同啲朋友講，以後有啲乜好嘢記住介紹俾佢喎，司馬昭之心，路人皆見啦！二五仲話：「佢咁講，擺明放風搵筍盤啦。」以佢嘅條件，當然好多「有心人」幫忙扯紅線，先前咪終於釣到金龜囉！
0 评论:
發佈留言