崔建邦隔空照顧唐詩詠

算你有情有義。（設計對白）
我都自身難保。（設計對白）
崔建邦潛水多時，直到一月二十九日警署報到才現身，不過依然戴住口罩，表現閃縮。

浪子回頭

崔建邦隔空照顧唐詩詠

2010年02月11日去年九月，唐詩詠被「中巴」鄺敏慧撬走拍拖五年的崔建邦，情傷未癒的她，今年一月意外撞車，雖然車毀人未傷，但自去年母親病逝，胞兄失業，要養起成頭家的她，要用過萬蚊整車，絕對愈窮愈見鬼。
據了解，繼續龜縮唔願見人的崔建邦，知道前女友心急搵平價車房整車，於是暗中叫阿哥出面，陪唐詩詠四圍格價。當日貪新忘舊惹來官非纏身，今次崔建邦總算做番件好事。

逐間格價

上週三（二月三日）下午四時半，戴住口罩一身黑衣人打扮的唐詩詠，在崔建邦同母異父阿哥陳明輝陪同下，揸住右後胎「沙板」被撞爆的福士甲蟲車，由廣播道屋企出發到土瓜灣，之後沿住馬頭圍道一帶不斷兜圈。二十分鐘後，唐詩詠將坐駕停泊在馬路邊，直到友人的私家車出現，再由對方帶路駛達車房。
但經過一輪問價，唐詩詠未有將爛車留低，繼續揸車向觀塘工業區方向出發。由於唔熟路，唐詩詠在工業區兜了好幾個圈，才找到要搵的車房，之後，她跟職員傾了接近半句鐘，陳明輝亦不斷在旁俾意見。終於「傾掂數」整車，放下心頭大石的唐詩詠，與崔建邦阿哥到九龍城獸醫診所探狗，然後到附近的泰國餐廳醫肚，大約半個鐘，唐詩詠一個人先行離開返屋企。

上週三，唐詩詠孖住崔建邦大佬陳明輝（右圖）周圍去幫手格價，之後再到九龍城探狗，跟住各自返屋企。








一月底撞車撞爆「沙板」，唐詩詠到上週才拎車去修理，都係慳家所致。

暗中幫拖

去年開始成為家中經濟支柱的唐詩詠，對錢銀變得分外緊張，搵人修理爛車前，便四出向朋友問價，擔心俾人呃。而被指鉸剪腳虐打 o靚模的崔建邦，當日獲舊愛雪中送炭，挺身力證人格無問題，崔建邦於是「禮尚往來」，安排搵阿哥幫手協助唐詩詠整車。
「其實架車整萬幾蚊唔係貴，不過佢（唐詩詠）阿哥啱啱失業，阿爸生活開支，加埋屋租，要佢一個人應付晒，開支好大。今次撞爛車，佢一直唔想整住，但又怕過年揸爛車唔好意頭，於是周圍問朋友有冇相熟車房， Amigo（崔建邦）知道之後，咪搵阿哥幫手陪佢四圍格價囉！」唐詩詠身邊人透露。
唐詩詠憑住一條三寸不爛之舌，成功同車房仔「講數」，整車費用慳番幾千蚊。提到崔建邦暗中幫拖，唐詩詠未有正面回應：「我撞咗車之後，有好多朋友都開口問我要唔要幫手，至於咩人就唔想講，多謝大家關心。」

未甩拖前，兩個經常情侶檔做宣傳，公司都冇詐型。（《蘋果日報》圖片）


崔建邦出事，陳志雲依然照顧愛將舊女友，一齊出席古巨基時裝店開張活動。


「中巴」自從聲稱被打後，人氣急升，頻頻出騷賺錢。早前出席活動時，更將被打事件重演做宣傳。（《蘋果日報》圖片）

患難見真情

（《蘋果日報》圖片）

崔建邦（ Amigo）和唐詩詠因主持《 K100》結緣，當時 Amigo以「前輩」身份處處提點唐詩詠，並不時推薦工作機會。二人拍拖五年期間，不時傳出 Amigo愛夜蒲溝女，更被踢爆醉攬「咪神」徐淑敏，遂令二人多次分手。
去年三月初，唐母猝逝， Amigo幫手打點後事而成功箍煲。但事隔半年， Amigo於節目《十人巷》中認識「中巴」鄺敏慧，火速換畫拋棄唐詩詠。貪新忘舊，估唔到與新歡拍拖三個月， Amigo便惹上虐打官非，幾乎賠上事業。雖然被 Amigo拋棄，但唐詩詠仍公開力撐舊愛，雪中送炭，難怪有傳崔建邦浪子回頭，求與唐詩詠復合。