阮兆祥跑馬地之友

見到祥仔出現喺跑馬地，仲以為佢係約咗 friend食飯，原來只係去洗衫舖攞衫（右圖）。

媽咪姐手帳

阮兆祥跑馬地之友

2010年02月12日

跑馬地之所以成為藝人嘅勝地，因為好多藝人即使唔係住喺嗰頭，一樣好鍾意喺嗰度出沒，想見明星去嗰度就總有一個喺左近。

今個月 1號 6點幾，媽咪姐就喺跑馬地見到阮兆祥單拖揸車出現，佢一跳落車，就匆匆忙忙咁走埋去一間洗衣舖度，攞咗兩大袋衫，跟住就揸車走人。
祥仔住喺大坑徑，但都專登攞啲衫老遠走到去跑馬地度洗，睇嚟佢對跑馬地真係有種情意結。難怪跑馬地會咁多明星藝人出入啦！

祥仔挽住兩大袋洗好嘅衫，冇跟住去 wet去蒲，而係直返大坑徑寓所。