句句金

句句金

句句金

2010年02月12日

甄子丹為《錦衣衛》宣傳，日前上台灣名嘴陶晶瑩節目時，被問牀上功夫如何？甄子丹諗都唔使諗：
我是牀上功夫之王
嘩，既係全宇宙最好打、牀上功夫又耍家，咁得天獨厚？不過點證明到先？咪即係齋噏！

甄子丹講呢番言論嗰陣，恰巧老婆汪詩詩喺佢隔籬，佢面都紅晒咁和應：
我沒得抱怨。
甄子丹牀上功夫只有汪詩詩至知，就算唔掂唔通公開投訴咩！呢句「沒得抱怨」真係可圈可點。

黎明日前出席音樂會，跟歌迷分享「金句」，借英國球員泰利嘅桃色醜聞，指做人要明辨黑白是非，
唔好當泰利係熊貓，黑白混淆！
攞泰利同熊貓比，簡直侮辱咗我哋嘅國寶，而且大家都識分對錯，唔使黎明多此一舉說教。

老友彭順、陳小春先後結婚，未婚嘅鄭伊健表示唔心急：
睇吓佢哋婚後有冇後遺症先啦。
嘩，人哋啱啱結婚，乜講埋啲咁大吉利是嘅嘢呀？照佢咁講，蒙嘉慧仲要等吓㖭囉。

講開結婚，一直同男友甜蜜蜜嘅楊思琦，一樣話唔心急：
我好享受利是。
一封利是仔仲緊要過結婚，有冇搞錯！何況結咗婚，仍可以繼續利是，好心思琦妹唔好諗埋啲縮數啦！