Ball遇老闆 林莉：第一次見有感覺

從未做過 model的她，拍攝當日擺甫士動作略為生硬，她說要學拉丁舞讓身體柔軟點。

是非男女

Ball遇老闆　林莉：第一次見有感覺

2010年02月11日老實說，對近年的香港小姐愈來愈印象模糊，所謂的代表性已經蕩然無存，再加上經常傳出港姐搭上富豪的新聞，於是想釣金龜、入豪門，選港姐已是必然捷徑。
○五年港姐冠軍葉翠翠、亞軍陸詩韻都不約而同地先後傳出搭上內地富豪，今年，終於都輪到季軍的林莉發功，果真是「一門三傑」！自言見過老細兩、三次的林莉，坦言對這位老細有感覺，「咁第一次見都有感覺嘅，佢唔單只係老細、投資者嘅角色，佢仲係一個好識關心人嘅人。」揼水千萬開模特兒公司捧自己做「港版林志玲」、比華利山豪宅可以自由出入、仲有二百萬的瑪莎拉蒂「公司車」接送，老細咁識「關心」人，難怪咁快有感覺啦。

忽然富貴

家住青衣邨的林莉有「屋邨港姐」的稱號，不過最近她忽然富貴，被影到經常出入名店、又有二百萬的瑪莎拉蒂名車接送，兼且進駐比華利山豪宅，有傳她因為搭上內地富豪，因此「升呢」十倍，二人第一次見面時，老闆已經對她印象深刻，覺得她跟台灣名模林志玲長得很相似，她小心翼翼地說：「舊年八、九月左右，我哋係喺一個慈善 ball見面，嗰晚我著咗件晚裝、紮起咗個頭，可能咁打扮令佢覺得似，呢啲都係經理人事後講番俾我知。」
林莉說其實她只見過老闆幾次，五隻手指數得晒，因為這位老闆只是負責投資入公司，如何經營、運作，都是由拍檔，包括張學潤負責。她不諱言對老闆有感覺，對老闆有讚冇彈，「咁都有感覺嘅，哈哈……覺得佢好 nice，一個好人，好 gentleman……」講講吓又突然改口說：「但唔係嗰隻感覺囉。」她又說喜歡的男士類型不是靠外表，只重感覺，「以前細個會鍾意啲好陽剛氣息嘅男仔，而家大咗會着重入面啲嘢，唔再係外形，要明白我、關心我同錫我。」那麼她這位富豪老細都符合她的條件，她當堂口窒窒，「佢……冇話符唔符合，咁我又見咗佢唔係好多次，唔通一見鍾情咩！可能我都係慢熱啲。」

雖說是專業模特兒，但她見件衫開 deep V，點都要 DIY加件黑 tube先著。


上週六，正版林志玲（左）到港出席浪琴錶活動，與翻版的林莉同場，林莉說：「唔想做人翻版或者盜版。」


同屆港姐冠軍葉翠翠（中）、亞軍陸詩韻（左）都先後傳出與國內富商有一手，季軍的林莉亦唔執輸，一於齊齊釣大陸金龜。

至於最近的富貴生活，她都答得耐人尋味，「其實就……佢（老闆）有好多架車，呢架係其中一架，但唔知點解用呢架接我；間屋都唔係我同經理人，嗰日經理人話不如上去佢間屋坐吓啦，咁就去咗。但係唔知點解條鎖匙喺經理人度，其實我哋隨時上去都得。」一直以來都與家人同住，曾經說過不會搬走的她，升呢脫貧唔住公屋，去年九月已搬入荃灣月租萬五元的單位，「搬出嚟方便好多，因為媽咪、細佬十一點幾就瞓，我啲工作時間又唔穩定，唔想影響佢哋作息時間。」

冇 heart

○五年選完港姐後，林莉跟無綫簽了十五個月的合約，其間工作機會接踵而來，就連她自己都說，無綫的而且確不停給她很多機會，先有主持《東張西望》、《更上一層樓》、《向世界出發》等，拍劇亦是重頭劇《溏心風暴》，是同屆有獎項的港姐中第一個拍劇，不過做極唔起，林莉亦無心戀戰，約滿後。○七年她便轉行做廣告，「我覺得電視台嘅發展空間唔大，佢哋成日都話我冇 heart o架。」
離開 TVB後，林莉到了一家廣告公司工作，其間，公司叫她 casting一個醫學美容廣告，她笑着說：「我話是但啦，其實係好想免費做 facial。」誰不知一擊即中，很快便簽了約做兩年代言人，經過這次的模特兒經驗，令從來未當過 model的她終於知道自己方向，「拍咗呢個廣告後，我覺得其實係鍾意呢樣嘢，因為可以做番自己。」去年十月，林莉索性辭去廣告公司一職，專心一意做全職 model。

搭港鐵
在 TVB拍劇做主持期間，出入要坐港鐵。


坐名車
泊了大碼頭，有瑪莎拉蒂代步。

老翻林志玲

廿五歲選港姐，三月份便踏入三十歲的林莉，現在才找到方向，起步未免稍為有點遲吧！「始終做 runway、行天橋，樣係其次，高度同 character最緊要。」加上她外貌似台灣名模林志玲，轉行做 model即被稱為「港版林志玲」，不過林莉似乎對這個外號不太受落，「我唔覺得似，諗過點解啲人覺得我似？我唔鍾意話特別似邊個，做番自己最舒服。」
林莉有哥哥、姐姐及弟弟，母親是家庭主婦，任職保安的父親兩年半前已經退休，哥哥姐姐都各自有自己家庭，弟弟香港大學畢業後，現為精算師，四兄弟姊妹都已出身，父母完成任務，可以選擇做一些自己喜歡的活動，「媽咪鍾意耍太極；爸爸就鍾意股票、財經。」父母都找到自己興趣，林莉亦為自己定下目標，「以前冇一個特別嘅目標，而家清晰咗，希望可以去外國行啲國際大 brand，去唔同地方擴闊視野。」查實係咪嫁個有錢人更加實際？

○七年林莉（右一）有份拍《溏心風暴》，自覺五呎十吋高的身形在電視圈中發展有限，「好難搵到個咁高嘅男仔襯我。」


她在《蔡瀾品味》節目中被批評「說話多餘兼冇腦」。


多次被拍到出入名店 shopping，林莉話：「而家做咗 model，買多咗衫，不過都係去買平時 function啲衫，唔係你哋講到咁貴。」


整間模特兒公司暫時得自己一個 model，林莉說要好好把握機會，「咁又有老細實際的支持，希望搵多啲錢。」