週六（ 20日）米雪手持尹佬遺照與尹佬胞弟尹志威，一齊到歌連臣角送別尹佬最後一程。
絕種好女
孭起 3頭家 米雪捱 41年得個桔
2010年02月24日有「亞洲第一中鋒」之稱嘅尹志強，不幸於上週二大年初三（ 16日）病逝，終年 53歲。遺體喺週六（ 20日）火化，一生至愛米雪（原名嚴惠玲）以未亡人身份送別。
尹佬同癌病搏鬥多年，米雪長伴左右外，據知米記更多次變賣物業，先後套現 871萬為尹佬籌醫藥費，但除咗尹佬之外，米雪對兩位細妹雪梨、蘋果亦十分照顧，甚至為妹妹子女供書教學。一個女人孭三頭家，米雪點只愛情專一咁簡單。
本刊記者曾到尹父斧山道瓊麗苑訪問，但應門女子就表示：「你哋呢輪都搵唔到佢 o架喇！」
查實米雪自 69年 17歲入邵氏電影做學徒，捱足 41年，曾擁有四個物業，但自尹佬於 92年證實患有鼻煙癌，米雪先後將物業套現分擔醫藥費及應付 06年尹佬的一單服裝公司訴訟。至 08年尹佬癌病復發，米雪再將手頭持有的何文田碧佳閣蝕讓套現，又跟趙雅芝老公黃錦燊合股開設新式標靶療法治療公司，旨望幫尹佬覓新藥抗癌。
米雪從不呻慘
米雪對尹佬有情有義，對兩位細妹雪梨及蘋果亦十分照顧，據知早年雪梨跟麗的電視（亞視前身）武打演員徐少強未婚誕下一子一女，但兩人離異後，徐並未有負上父親責任，加上雪梨一度患上抑鬱症，照顧 2位子女的責任亦全落在米雪肩上，據知雪梨的大仔 Edward於溫哥華 UBC大學畢業，學費全由米雪支付。
至於另一細妹蘋果，雖已嫁人及育有兩位子女，不過米雪亦愛護有加，而米雪名下嘅 Michelle Production Ltd.亦由蘋果出任董事。一人孭起三頭家，米雪卻從無呻過半句。週日（ 21日）米雪為新劇《女人最痛》開工，由朝早十點開工至翌日凌晨 4點。連開 16小時，據知劇組原先想放米雪假，好讓佢辦妥尹佬身後事，但米雪仍主動要求開工，面對記者提問仍只是以「多謝關心」作回應。
跟米雪相識十多年的填詞人韋然亦說：「我哋係做慈善活動而識，佢話能夠幫到人，自己都係一種幸運，佢從來都唔透露屋企嘅嘢，佢永遠都唔會俾人知佢嘅家庭狀況。」米雪情深義重，果然係絕種港女呀！
17日︰記招黯然
上週三（ 17日）米雪與尹佬外甥梁漢文喺九龍塘九龍仔業主會舉行記者會，交代尹佬身後事。
21日︰忍痛開工
尹佬 20日火化後，米雪忍住傷痛繼續為劇集《女人最痛》開工，翌日（ 21日）由朝早 10點拍至當晚 4點，連踩 16粒鐘。
22日︰週一（ 22日）米雪下午 3點就要為《女》劇開戲，到凌晨 12時 30分先收工。
900萬救尹佬
米雪除咗賣樓救尹佬外，亦照顧埋雪梨、蘋果 2人的仔女書簿費，而每次尹佬遇到任何困難，米雪都不惜蝕賣物業。 96年、 06年、 09年三度賣樓雖套現共 871萬。全部蝕賣，共蝕 422萬，好彩係 3個物業都已供甩。
雪梨
真名嚴慧明，曾患抑鬱症，與徐少強育有一子一女，大仔 27歲 Edward喺溫哥華 UBC畢業，細女 Erica 24歲。
徐少強
大仔 Edward
蘋果
真名嚴慧萍，現與兩個子女住喺市值 230萬藍田居屋鯉安苑鯉欣閣，曾經讀過藝員訓練班，不過並無入行。
米雪屋企有九兄弟姊妹，佢排第四，由細到大都盡家姐責任照顧細妹。
米雪現居於何文田玉華大廈， 91年以 2百萬買入，現在市值 4百萬，好彩已供甩。
套 300萬助抗癌
96年︰尹佬抗癌 4年康復，但歷年醫藥費昂貴，米雪於 96年更蝕賣錦繡花園套現 300萬，以支持尹佬康復後生活所需。
套 303萬打官司
06年︰尹佬跟公司前拍檔對簿公堂，米雪為佢籌募律師費，即賣掉碧佳閣單位，套現 303萬，不過該物業是米雪於 97年 10月以摸頂價 520萬買入，慘蝕 217萬。
套 268萬最後抗戰
09年︰ 08年初尹佬病情反覆，激瘦 40磅，亦因病情影響視力要戴眼罩， 10月更送入 ICU。 09年 7月米雪以 268萬賣出碧佳閣高層單位，同月即夥拍黃錦燊開設中美生物科技（控股）公司，經營最新抗癌藥、標靶療法，但黃錦燊說：「我上完 court後先覆你！」
黃錦燊
陶傑：唔係呢個年代嘅人
米雪有情義，身邊好友齊對佢讚不絕口，而啱啱同米雪合作搞咗間創意公司創盈文化產業（控股）有限公司嘅才子陶傑就話：「間公司係想啟發年輕人嘅創意，米雪真係出於污泥而不染呀！」
陶傑︰談吐優雅，有情有義，簡直唔係呢個年代嘅人。
羅君左︰就算佢細妹嫁咗，佢都好想照顧佢哋，我哋啲朋友都叫佢好放開啲，等佢哋獨立。
盧海鵬︰佢哋係姊妹就應該互相照顧，米記有能力，當然就做埋啦！
填詞人韋然︰佢話能夠幫到人，自己都係一種幸運。
吸金力強
入行超過 30年嘅米雪，一套《家好月圓》飾演殷紅，令佢喺香港人氣升呢，同年尾片酬加至 2萬蚊一集，帶挈佢喺大陸都大受歡迎， 08年接拍 35集《鎖清秋》同《大丫鬟》兩套大陸電視劇，有指米雪 3萬一集片酬賺足 210萬人仔，吸金能力絕對唔比年輕花旦弱。
電視劇（ TVB）
2008《家好月圓》 40集
2009《宮心計》 31集
2010《五味人生》 25集
2010《女人最痛》 20集
116集× 2萬= 232萬
內地劇集
2008《鎖清秋》 35集
《大丫鬟》 35集
70集× 3萬= 210萬
廣告
2009御藥堂代言人︰ 500萬
2年共賺 942萬
採訪、撰文、攝影：娛樂組
部分圖片：《蘋果日報》、《壹週刊》、《忽然 1周》
資料：黃天怡
0 评论:
發佈留言