我全部都係跟番公司同經理人安排。真實對白
上週一（ 8日）徐子珊同吳尊喺電影《錦衣衛》首映中接受報紙雜誌訪問時，徐子珊全程打側身兼左右擰，相反唔係無綫人嘅吳尊做訪問就企得正面好多啦！
極權主義
受訪唔准望 cam TVB命犯禁藝人入雪櫃
2010年02月17日四大唱片公司組成的 HKRIA（香港音像聯盟）與無綫版稅風波傾唔埋，頭炮先有張學友用廣東話接受亞視訪問，嚟近又到 Kay姐（謝安琪）上亞視，無綫好頭痕。
唱片公司同歌手聲討作反，仍未嚇窒無綫的霸權主義，見最近唔少平面傳媒拍攝網上新聞片開始普及，無綫又嚟做嘢，要求旗下藝人跟報章雜誌做訪問時，唔准正眼望實無綫以外嘅攝錄機，違者更重罰入雪櫃，搞到班藝人下下要耷頭梗頸避鏡頭，搵食真係好艱難呀！
無綫因版稅問題同四大唱片公司傾唔掂，結果搞到今屆《勁歌》頒獎禮靠濕星歌手充撐場面，又要扶唔夠班的親生仔林峯做「勁歌金曲亞太區最受歡迎男歌手」獎，觀眾即場噓爆。
大圍訪問尾聲時，徐子珊索性轉晒成個身向預備走人嘅吳尊，話晒都拎過金像獎「最佳新演員」獎，但係啲戲都係 over咗！
驚餐死
早前徐子珊喺港台活動中誤中副車，喺有亞視咪牌（箭嘴）前做訪問，事後即時驚青彈開，家陣無綫藝員做訪問，周圍都係陷阱呀！
要求剷 blog
無綫大部分藝人包括總經理陳志雲都有喺 TVB.com內寫 blog，據知 TVB曾經要求藝人只可以喺 tvb.com嘅 blog度寫，更曾要求藝人刪除其他網站嘅 blog，但最後冇人跟進而不了了之。
歌手版稅未搞掂，廣管局又話無綫合約涉嫌「壟斷」要調查，加埋班幕後工潮同靜坐抗議，不過無綫仍未退縮，最近再諗計打壓網上新聞嗰瓣，據一名不願透露姓名的無綫藝人說：「其實不嬲都有呢條 rules，之前仲試過叫啲藝人只准喺 tvb.com寫 blog，其他好似 yahoo嗰啲就要剷晒佢，不過好似後來又冇咗件事。到最近可能家好多 media做訪問會拍埋片，所以樂小姐（無綫製作資源總監樂易玲） brief番晒啲經理人，提醒班藝員唔可以再望其他大圍報紙雜誌嘅 cam（攝錄機）做訪問，仲話唔聽話就要雪！」
徐子珊跟規矩
違令入雪櫃咁大件事，果然本刊發現無綫眾小生花旦做訪問時，全部側晒頭避視線，上週一（ 8日），徐子珊出席電影《錦衣衛》宣傳時，更加要借吳尊過橋避鏡頭，至週四（ 11日）徐子珊出席新劇《情人眼裡高一 D》活動時則說：「我全部都係跟番公司同經理人安排，我都係跟指示做，我信我經理人！」，而無綫外視部副總監曾醒明透過電話回覆本刊：「 TVB安排嘅活動不嬲都唔可以用 cam，但係如果佢哋出面啲活動都冇話唔畀嘅，暫時未聽過唔畀望 cam。」高層唔認，係咪指示唔清晰所以有誤會先？
齊齊唔准望
Laughing亂答
我連自己公司 cam都唔望！真實對白
自稱冇接到公司 order嘅謝天華於週三（ 10日）嘅《 72家租客》宣傳活動上，接受訪問時亦避晒 cam，但佢死撐：「總之我冇收到公司通知，有時我連自己公司 cam都唔望啦，哈哈！」
樂易玲身教
無綫製作資源部總監樂易玲負責推行新政，佢接受圍訪時，就好專心咁望啲記者，正眼都冇望過啲 cam一眼，身教呀！
睇片有證據
本刊於多段「蘋果動新聞」中發現，在訪問片段內，無綫旗下藝人大部分都以側面接受訪問，唔覺意眼神掃到啲 cam都即刻閃開，據一名有份揸 cam的報紙攝記稱：「開頭都唔覺嘅，不過最近真係叫佢哋都唔理，我都覺得奇怪啦！」
1/2勁閃避
人哋點拍我唔可以理。真實對白
無綫花旦廖碧兒好聽話，佢話：「咁我哋做緊好多間報館，人哋點拍我唔可以理，其實我哋嗰陣係做緊文字訪問，只係人哋拍 cam啫！」
31/1大側面
每間公司都有自己嘅 rules，公司希望我哋點樣做會聽話，始終我哋都係 TVB嘅！真實對白
新咪神高海寧喺無綫上緊位，無綫落咗 order梗係唔會望啦，仲好識得賣口乖，抵讚！
慳家大台鋪鋪絕
六嬸方逸華主政後，無綫慳錢屎橋層出不窮，即使去年錄得約 3.3億元盈利，但仍開刀裁減 212名員工，四大唱片公司冇版稅，幕後人工又縮水，連幕前班藝人亦焗減騷，加埋有多條不平等條約，難怪連廣管局都要介入調查！
1蚊 MV版稅
• 08年有傳無綫曾叫各唱片公司自己製作 MV，再安排於無綫播放，而無綫則象徵式回贈 1蚊畀各唱片公司，連 MV錢都想慳番，但最終因冇唱片公司附和而冇下文。
版稅傾唔掂
•無綫因拒絕向 HKRIA支付版稅，令雙方決裂， 4日後，陳總陳志雲冒住《勁歌》冇人上台攞獎危機，宣布暫時停播四大唱片公司旗下歌手歌曲。
紅衫工潮
•無綫後勤部門新入職得 6千，舊員工凍薪多年，靠 OT維持收入，但近年無綫勁減 OT，令員工收入減少 1/3至一半不等，促成班幕後着紅衫靜坐抗議，連老牌監製李添勝都出面撐。
版稅傾唔掂
紅衫工潮
撰文、攝影：娛樂組
壹傳媒互動有限公司 版權所有 不得轉載
0 评论:
發佈留言