隔住塊心形卡一路跑一路嘴， Bosco同小儀無論玩到幾癲都唔怕傳緋聞。
同你吟一吟
小儀任抱任錫
2010年02月18日無綫賀歲劇《情人眼裡高一 D》上個禮拜四（十一日）响海洋公園舉行宣傳活動。
劇中雖然有徐子珊同苟芸慧兩個鬥靚冠軍在陣，但現場最受歡迎，居然係五呎差兩吋嘅阮小儀。
大會安排一男一女演員上陣，傳遞心形卡。首先出場有身高差唔多嘅小儀同王祖藍。由於沿途要跨過一個個木箱，腳短小儀要完成任務唔容易，好在高兩吋嘅王祖藍雙臂有力，話咁易就抱起小儀成功過關。
有王祖藍抱抱， Bosco黃宗澤都玩埋一份，隔住張心形卡嘴對嘴抱起小儀係咁跑。受盡現場男士歡迎，事後 Bosco仲大讚小儀相當好嘴，因為响劇中兩個的確有嘴戲，至於怕唔怕好朋友胡杏兒嬲，佢答得相當權威：「唔使怕，無有怕！」
問唔夠小儀咁受歡迎嘅徐子珊兩位男主角會揀 Bosco定王祖藍？佢諗都唔諗：「王祖藍，而家啲人鍾意另類，高大威猛無用。」
小儀腳短，根本冇本事跨過木箱，好在王祖藍雙臂有力，抱起小儀過關。
撰文︰八珍
mailto:nextb@nextmedia.com
0 评论:
發佈留言