陶喆完鬆 o靚模 Zoey玩 les

瞓大髀
上週五，於陶喆離港當日， Zoey（下）同好姊妹、無綫藝員陳宛蔚到文化中心吐苦水期間，將頭瞓落陳宛蔚大髀撒嬌，而陳宛蔚就用手一路掃佢大髀一路安慰， Zoey鬼咁冧。

篤眼篤鼻

陶喆完鬆　 o靚模 Zoey玩 les

2010年02月10日

22歲中、泰混血 o靚模岑潔儀（ Zoey），去年爆出同 40歲音樂才子陶喆當街攬錫，一啜成名。上週三（ 3日）陶喆來港開騷， Zoey高調踩入會展捧場，忽然在觀眾席喪喊又狂 send SMS，衰在陶喆唔只當佢透明，仲憑歌寄意寸爆有人博宣傳。
不甘被屈抽水，陶喆開騷兩日後，本刊直擊 Zoey孖住舊「味之天使」陳宛蔚到尖沙咀海旁訴苦，姊妹傾得㷫起竟然玩 les，在文化中心巷邊瞓完大髀又啜嘴，真係出人意表！

上週三（ 3日），陶喆於灣仔會展舉行一連兩場香港演唱會，雖然同陶喆「一 kiss成名」的 o靚模岑潔儀（ Zoey），當晚亦高調捧場，仲向記者自爆：「我有 SMS佢（陶喆），叫佢加油！」尾場完騷後，當記者問陶喆知否緋聞女友 Zoey捧場，才子竟寸爆話：「不曉得（她）是誰，知道很多朋友來，我只清楚看到媽媽。」

老婆仔，唔好咁嘥啦！設計對白

40歲音樂才子陶喆，曾與台灣名模 Liz同白歆惠傳緋聞，上年 10月被影到偷嗒港產 o靚模 Zoey，仲當眾咀嘴，唔怪得有「 Model殺手」稱號。《蘋果日報》圖片

同性慰藉

俾陶喆完即棄，上週五（ 5日）， Zoey成肚怨氣，急 call無綫藝員陳宛蔚，到文化中心海旁發洩，起初只見 Zoey向死黨激動訴苦，但經對方熊抱安慰後， Zoey唔只開心番晒，更瞓身落姊妹大髀，任由陳宛蔚摸住大髀撒嬌，情到濃時更匿埋喺巷邊啜嘴，兩位絲打好有 les味。

甜蜜咀
瞓完大髀唔夠喉，之後 2人更走到文化中心的柱旁錫錫，陳宛蔚仲不時用個鼻哥尖嚟捽 Zoey塊面。

黑面閃
曖昧關係當場揭破，陳宛蔚（右）待 Zoey解釋後，即擸手袋拖住 Zoey隻手，黑面走人。

陶喆嗌老婆仔

2人啜嘴「親熱」後，記者上前直問 Zoey與陶喆的關係，兩人起初好迴避，更想急步離開，但經記者游說， Zoey終肯企定，撕開陶喆啜完唔認數的真實一面。「其實喺上年 10月俾報紙影到我同佢（陶喆）錫嘴時，我哋已經拍咗 3個月拖，係朋友介紹佢畀我識嘅，佢第一次見我已經主動問我攞電話，開頭不斷同我講音樂，我覺得佢好有才華，所以鍾意咗佢。之前去佢啲朋友聚會，佢仲介紹我係佢『老婆仔』，仲曾經提過想同我結婚。家竟然講到我好似黐住佢博宣傳咁，我梗係好唔開心啦。」
講到停唔到口，但當記者問及她與好友陳宛蔚錫嘴玩 les， Zoey就鬼咁避忌：「冇呀！我哋係 friend嚟 o架，我唔開心佢安慰我咋嘛！（錫埋嘴喎？）我哋真係冇嘢 o架！」一 kiss成名，睇嚟 Zoey真係好鍾意 kiss喎！

踩場有戲
高調捧陶喆場不特止，明知記者影相， Zoey當眾攞紙巾出嚟抹眼淚，佢話：「陶喆唱情歌好有 heart，所以感動到喊。」

密傳 SMS
睇足全場嘅 Zoey，其間不停㩒電話傳 SMS，唔知係咪佢所講傳短訊叫陶喆加油呢？但人哋站喺台上唱緊歌，點得閒睇你個「加油」 SMS呢？

借歌殺人
陶喆除對記者話唔知 Zoey係乜水，台上更借唱新歌〈關於陶喆〉寸爆有人抽水，其中一句「不要羨慕我跟那麼多的辣妹拍拖，其實我是真的那麼傻傻的被人家設計。」歌詞入晒肉。

奀模升呢

06千金妹
06年，初入行嘅 Zoey曾效力無綫，於許冠文主持嘅《一擲千金》做千金小姐，當時冇乜人識佢。

10密接 job
5個月前與陶喆傳緋聞彈起嘅 Zoey，家陣密密接 job，上週六（ 6日）以豹妹形象，出席 Beijing Club活動，露埋砵仔糕，勁風騷。

密友撩㷫 Laughing哥

Zoey密友陳宛蔚曾參演《大咕窿》及《味分高下》嘅天使妹，佢做咕窿妹時仲泳衣上陣。

07年到台灣拍攝《味分高下》外景，被影到與謝天華夜蒲返酒店，係佢嘅代表作，估唔到佢玩多瓣。《忽然 1周》圖片

有樣學樣

樂基兒同熊黛林名模變天王嫂，難怪班 o靚模及濕星都學師姐黐星上位，但係你估個個都 work咩？

黐飛魚

Rainbow/方力申
上年 4月， o靚模 Rainbow自揭被方力申以 SMS攻勢力追，雖被指博宣傳，但卻打響名氣。

屈側田

側田/王淑玲（香蕉）
上年 4月，《美女廚房》擔任香蕉嘅王淑玲，自爆被側田抽水摸籮，成為娛樂頭條，更被邀上《志雲飯局》舞台版同側田對質。

孖陳七

李綺雯/陳肇麒
去年 12月， o靚妹與有女友嘅南華名將陳肇麒啜臉相外洩，被指做第三者嘅 o靚妹，在 blog上暗指其女友以死箍煲，見足一個月報。