Fans送糖蓮子 千嬅：唔好搞啦！

年生貴子呀！（設計對白）
Fans送上蛋糕之餘，仲加送糖蓮子一包，但千嬅完全唔受。

媽咪姐手帳

Fans送糖蓮子　千嬅：唔好搞啦！

2010年02月05日
TVB真係錫林峯錫到燶。繼喺《勁歌頒獎禮》夾硬頒個「亞太區最受歡迎男歌手獎」俾佢外，又立即度身訂做套新戲《 Perfect Wedding》（暫名）俾佢擔正，仲搵嚟有票房保證嘅楊千嬅壓陣。難得千嬅又唔介意扶腋後輩，仲鬼咁認真㖭。
上周三（ 1月 27日），新戲喺天后廟街拍外景，拍一場峯、嬅又鬧又嘅戲。兩人排戲時，又推又攬，好鬼搞笑，到正式拍攝，反而冇咁鬼馬。不過，千嬅為咗襯番林峯，仲換咗兩次鞋㖭。當然啦，千嬅今次師姐出馬，當然唔想衰啦。
當晚，千嬅 fans聞風而至，為 2月 3日生日嘅千嬅預祝生日。 Fans仲好鬼馬，送咗包糖蓮子俾千嬅，點知佢一睇到即刻大嗌：「唔好搞啦！」有仔趁嫩生呀，千嬅你唔細 o架啦！
睇千嬅啲戲，向來 NG片段好睇啲。呢晚千嬅同林峯排嗌交戲時，動作誇張兼喪笑。可惜到正式拍攝時（左圖），反而略嫌拘謹。

排戲搞笑



正式拘謹






咪睇千嬅傻傻戇戇，到場時踢對涼鞋烏烏 where where（右圖），其實好認真。佢正式拍攝時本來換咗對露趾鞋，之後唔滿意，再換另一對密頭鞋。