張可頤靚爆鏡

魔鏡，魔鏡，世上邊個最靚！（設計對白）
一個咁細嘅粉盒仔又點滿足到張可頤，佢其後拎住一面更大嘅鏡，遠照近照高炒照， 360度環迴立體式照勻，完全唔理會途人嘅眼光。

媽咪姐手帳

張可頤靚爆鏡

2010年02月12日

女人貪靚，正常，但過咗火位就會變成騎呢。

早前媽咪姐喺奧海城撞到張可頤拍緊新劇《女人最痛》，商場當時好多人，個個人都望實劇組拍劇。不過張可頤就冇有怕，逕自喺袋中攞個粉盒出嚟補妝，照完一大餐，意猶未盡，又拎出另一面大鏡再由頭照多次，完全進入咗一個忘我嘅境界。

張可頤摸摸塊面，覺得唔對路，於是攞個粉盒出嚟，由鼻照到去耳，耳再照到去下巴，照得鉅細無遺。

成件事仲有後續，張可頤照完大鏡埋位，喺未 roll機前，又再攞個粉盒再照過。

乜嘢叫照爆鏡，大家明啦！