廖碧兒大把貨

3/2
去上水出席新年活動，廖碧兒扮到靚靚跳中國舞，話緋聞事件最嬲係廖爸爸：「爹哋唔開心，因為啲相影得佢唔靚！」

FBI File

廖碧兒大把貨

2010年02月10日
呢頭傳同相戀六年嘅陳豪散咗，嗰頭男方就俾人踢爆請姣霸電視台嘅佘詩曼飲咖啡，人人以為 31歲廖碧兒心都淡一定落晒型，偏偏呢輪日日見報嘅廖碧兒就日日唔係 deep V就大斜膊上陣，靚絕全場！
有名你叫「姣佘」，嗒新仔有幾奇！再講，睇廖碧兒呢幾日一日省鏡過一日嘅老定樣， FBI就話邊似甩拖，似示威：「陳豪走唔出我手指罅！」多啲喎！

上下夾攻

4/2
出席自己主演嘅《 72家租客》首映，更加唔可以隨便，谷行 C級上圍出場嘅廖碧兒性感得嚟大方得體，未必輸畀阿佘！



2/2
斜膊短裙出席中藥活動，首次面對「佘豪」緋聞回應，廖碧兒答得啜核：「我忙到連隻狗都唔得閒照顧，點理陳豪做咗啲乜？」