杜汶澤帶頭作反

杜汶澤成支咪「隊」埋去紙牌阿姐個口，又話未見過阿姐咁平，真係砂煲咁大個膽。

同你吟一吟

杜汶澤帶頭作反

2010年02月25日

無綫全新處境喜劇《女王辦公室》，禮拜日（廿一日）响旺角進行宣傳活動。由於女主角汪阿姐同老公家英哥去咗日本度歲冇蒲頭，有份演出嘅杜汶澤就乘機响阿姐頭上動土，攞佢嚟開玩笑。
話說當日大會預備咗個紙板阿姐，代替真人出場，杜汶澤又嚟口不擇言：「咦！阿姐，未見過你咁平喎！瘦咗好多喎！」之後仲攞住支咪「隊」住紙牌阿姐個口。
杜汶澤攞阿姐嚟玩，同場出現嘅何韻詩就無佢咁沙膽，全程一味攬實劇中一對孖女童星唔放手，又拖手仔又錫錫，咦……女嚟個喎，仲要係一孖嘅添！

吳卓羲抽到足金老虎，杜汶澤搶咪大鬧造馬，何韻詩一於少理，拖實同錫錫孖女，唔願放手。