咁污糟，冇眼睇呀！（設計對白）
媽咪姐手帳
梁烈唯洗邋遢
2010年02月12日年廿八，洗邋遢。呢句說話，媽咪姐特別送俾梁烈唯嘅。
上周四（ 4日），梁烈唯為明珠台嘅「愛的季節」浪漫電影系列宣傳，同龔嘉欣扮《鐵達尼號》 you jump I jump嘅經典一幕。低胸裙上陣嘅龔嘉欣當然夠殺，梁烈唯遠睇都幾型仔。但係睇真啲，點解耳窿黑掹掹嘅？再睇真啲…… oh my god，媽咪姐真係寫唔落去，想嘔呀！
做藝人唔一定靚仔，但至少要乾淨企理，但梁烈唯個耳窿污糟成咁，就好得人驚。
龔嘉欣當日一襲低胸裙大晒乳溝，可惜俾污糟梁烈唯大殺風景。
當日同場嘅仲有李雨陽、呂慧儀、湯盈盈同黃德斌，當中湯、黃兩人全程雙手緊扣交足戲，其餘 4個後輩真係要學嘢。
薑係老嘅辣。（設計對白）
0 评论:
發佈留言