29/1 7:40pm
得知有喜後，黎姿大部分時間留家安胎，已經鮮有返美容診所的她，當日回公司視察業務，逗留一會便由司機接載返家。
探熱針
嘉諾撒安胎 黎姿大肚 4個月
2010年02月04日已屆 39歲的黎姿，去年一月底與年長十四年的富商馬廷強結婚，立即不設防努力造人，希望盡快幫老公開枝散葉。
為求一擊即中，黎姿先打尖睇「生仔聖手」何永超醫生，去年五月又搵高人改名「珈而」，藉住諧音「加兒」催運生仔。
雙管齊下果然奏效，去年十月，黎姿終於造人成功，出名錫老婆的馬廷強，得知老婆有喜，即安排她入住嘉諾撒醫院安胎，為生金笸籮，事事小心翼翼。
想盡辦法
去年婚後，馬太黎姿便公開表示會立即展開「造人」大計，搵齊中西醫會診，一方面睇中醫李國勝調理身子，另方面透過友人幫手打尖睇有「生仔聖手」之稱的生殖科醫生何永超。
「佢哋好鍾意小朋友，加上 Patrick（馬廷強）年紀唔細，想快啲生番個，但係 GiGi睇咗幾個月個肚都無動靜，兩公婆就更加心急！」黎姿身邊人說。
求子心切，本是虔誠基督徒的黎姿，唯有放下宗教規條，去年五月遵從老公建議，搵風水師改名轉運求子，由黎姿改名為黎珈而，以其諧音「加兒」催運，希望盡快為馬家「加個兒子」繼後香燈。
身穿黑色長褸遮肚的黎姿，上車一刻才因長褸揚起，令四個月肚曝光。
黎姿由司機接載返回蘭心閣寓所，之後再沒有外出。
停工安胎
經高人指點後，黎姿果然火速造人成功。「知道終於有 BB，佢兩個開心到不得了，錫老婆錫到燶嘅 Patrick，仲變成緊張大師，擔心 GiGi高齡生仔佗 B佗唔穩，舊年十二月，安排老婆入嘉諾撒醫院安胎。」黎姿身邊人說。
終於孕育出愛情結晶，但為怕 BB小器，準媽媽黎姿直到滿三個月後，才將天大喜訊向閨中密友透露。
「因為太開心，見滿咗三個月， GiGi即刻親自打電話俾班好朋友報喜，舊年除夕夜， GiGi兩公婆仲喺君悅酒店十一樓 The Grill開派對慶祝，康復進度唔錯嘅黎嬰都有出席，當晚成班親友仲一齊倒數許願！」知情者說。
對黎姿愛護有加的馬廷強，近期亦減少出外應酬，抽更多時間陪老婆在家安胎。
「自從細佬黎嬰出事，退出娛樂圈嘅 GiGi，幾乎每日都會返細佬間醫學美容院打躉，親力親為睇住盤生意，不過依家有咗，佢老公好緊張，近期都唔俾佢返診所！」黎姿好友說。
婚後樂做幸福少奶奶的黎姿，經常陪老公馬廷強外出應酬，去年五月，被拍得與老公及友人到福臨門晚膳。（《蘋果日報》圖片）
多次傳出有喜都食詐胡，今次中咗，馬廷強對老婆全天候照顧，免她操勞。（《 Face》圖片）
○五年，黎嬰美容診所開幕，黎姿與父母總動員撐場，去年底，馬廷強更揼本 2,000萬擴充診所。
生殖科醫生何永超有唔少明星名人客，當中包括吳君如、劉嘉玲等。
照顧全家
黎嬰與親友出席除夕聯歡派對。（《忽然 1周》圖片）
馬廷強對黎姿痛愛有加，除在結婚前將價值七千萬的蘭心閣愛巢送給黎姿，去年又先後買下價值 1,500萬遊艇及 120萬寶馬氹老婆開心。
至於近月康復進展良好的黎嬰，已搬離麥理浩復康中心返家休養，馬廷強同樣照顧周到，早前便豪擲數百萬為黎姿父母寓所慧景園進行大裝修，添置腦神經及復康儀器、物理治療設施等，並請來兩名私家看護及物理治療師，全天候照顧黎嬰日常生活。
撰文、攝影：娛樂組
AD：淘宝购物省钱秘籍
0 评论:
發佈留言